שװעדן מאָביליצירן כּדי צו ראַטעװען דעם סנוס

דער שװעדישער סנאַף האָט ניט גענוג טאָבעק לויט דעם אײ"פֿ

שװעדן. סנוס, אָדער שװעדישער סנאַף, איז פֿאַרבאָטן אין אַלע לענדער אין דעם אײראָפּעישן פֿאַרבאַנד, אחוץ שװעדן, און פֿון צײַט צו צײַט פּראָבירן פֿאַרשײדענע פּאָליטיקאַנטן אין דער אײ"פֿ צו מאַכן דעם סנוס אומלעגאַל אויך דאָ. איצט קעמפֿן שװעדישע פּאָליטיקאַנטן, צײַטונגען און כּלערלײיִקע גדולים קעגן אַזאַ פּראָביר - אַ געזעץ װאָס באַטײַט אַז אַלע טאָבעק-פּראָדוקטען מוזן האָׂבן צום װײניקסטנס 85% טאָבעק כּדי צו זײַן לעגאַלע, סנוס האָט נאָר 50%.

שופֿט דערהרגעט געװאָרן נאָך ייִנגל-מאַטש

דרײַ ייֵנגלעך האָבן דערהרענט אַ געהילפֿשופֿט נאָך אַ מאַטש

נידערלאַנדן. דער געהילפֿשופֿט, רישאַרד ניוּװענהויזן, איז געשטאָרבן נאָך אַ צעהרגענונג פֿון דרײַ פֿוסבאָל-שפּילערס נאָך אַ מאַטש אין דער האָלענדישער ייִנגל-ליגע. די ייִנדלעך זײַנען געװען 15 יאָר אַלט. די פֿוסבאָל-לעגענדע, ראָנאַלד קומאַן, האָט הײַנט געזאָגט אַז דער אינצידענט איז צו אַבסורד צו באַשרײַבן מיט װערטער.

אײראָפּעישע לענדער אין כּעס נאָך ישֹראלדיקן פּלאַן

אישֹראלדיקע באַזעצערס

אײראָפּע/ישֹראל. עטלעכע אײראָפּעישע לענדער זײַנען שטאַרק אין כּעס אויף דער ישֹראלדיקער רעגירונג נאָך אַ באַשלאָס צו בויען 3000 נײַע ייִדישע הײמען אין מזרח-ירושלים און דעם מערבֿ-ברעג. צום בײַשפּיל האָבן אי ענגלאַנד אי פֿראַנקרײַך געזאָגט אַז זײ װעלן צוריקרופֿן זײערע דיפּלאָמאַטן אויב ישֹראל ניט מאַכט בטל דעם פּלאַן.

פּאַלעסטינע האָט פֿאַרבעסערט איר סטאַטוס

אַבאַס נאָך דער שטים

פּאַלעסטינע. מיטן רעסולטאַט 138 שטימען פֿאַר און 9 שטימען קעגן דער אַבאַסער פֿירלײג האָט פּאַלעסטינע נעכטן פֿאַרבעסערט איר סטאַטוס אין די פֿ"פֿ צו אָבסערװאַטאָר-שטאַט. דאָס הײסט, למשל, אַז די אַלגעמײנע פֿאַרזאַמלונג אָנערקענט פּאַלעסטינע װי אַ שטאַט אין די גרענעצען פֿון 1967

ישֹראל אין אַ גרופּע אַ שװערער װי קריעת-ים-סוף

דער ישֹראלדיקער או21-מאַנשאַפֿט אין אַ מאַטש קעגן שװעדן 2010

ישֹראל. דער ישֹראלדיקער מאַנשאַפֿט האָט ניט גענהאַט קײן הצלחה װען UEFA האָט צונויפֿגעשטעלט די גרופּעס פֿאַר דער אונטער-21 אײראָפּעישער מײַסטערשאַפֿט. נאָך דעם טיראַזש, װאָס האָט באַטײַט אַז ישֹראל װעט שפּילן קעגן ענגלאַנד, איטאַליע און נאָרװעגיע, האָט דער טרענירער פֿון ישֹראל זיך מודה געװען: "מיר זײַנען דער שװאַכסטער מאַנשאַפֿט אין דער גרופּע".

דער טורניר הײבט זיך אָן אין תּל-אבֿיבֿ דעם קומענדיקן זומער.   

אונגערישער פּאָליטיקער װיל רעגיסטרירן ייִדן

אַן אונגערישער ייִד פּראָקלאַמירט: "איך בין אַ ייִד!

אונגערן. די אַנטיסעמיטישע נאַציאָנאַליזם-פּאַרטײ, יאָביק, האָט מיט אַ פּאָר טעג צוריק פֿירגעלײגט אַז מע זאָל רעגיסטרירן אַלע אונגערישע ייִדן, װײַל זײ זײַנען שֹונים פֿון אונגערן. דער פֿירלײג האָט גענערירט שטאַרקע פּראָטעסטן פֿון אי אַנדערע פּאַרטײען אי אונגערישע בירגערס, און נעכטן האָט בערך 100 מענטשן מאַניפֿעסטירט בײַם פּאַרלאַמענט. יאָביק האָט באָקומען 17% פֿון די שטימען אין די לעצטע װאַלן.

אָלמערט שטיצט אַבאַס

אָלמערט, דזאָרדזש בוש און אַבאַס, 2007

פּאַלעסטינע. הײַנט װעט די אַלגעמײנע פֿאַרזאַמלונג פֿון די פֿ"פֿ אָפּשטימען צי מע זאָל פֿאַרבעסערן פּאַלעסטינעס סטאַטוס צו אַבסערװאַטאָר-שטאַט, צי ניט. נעכטן האָט דער פּאַלעסטינישער אָנפֿירער, מאַכמוד אַבאַס, באַקומט אומגעריכטן שטיץ פֿונעם פֿריערדיקן ישֹראלדיקן פּרעמיער, אהוד אָלמערט. לײענט װײַטער דאָ: http://www.thedailybeast.com/articles/2012/11/28/exclusive-former-israeli-pm-olmert-supports-palestine-u-n-bid.html

פֿאָרשערס נעמען פּרוּװלעך פֿון דעם בר-מינן פֿון אַראַפֿאַט

פּאַלעסטינע. פּאַלעסטינע באַשולדיקט ישֹראל אין מאָרד אויף יאַסיר אַראַפֿאַטן. דערפֿאַר האָט  פֿאָרשערס פֿון למשל פֿראַנקרײַך נעכטן גענומען עטלעכע פּרוּװלעך כּדי צו דערװיסן זיך אויב אַראַפֿאַט איז פֿאַרסמט געװאָרן. אַראַפֿאַט איז פּלוצעס געשטאָרבן 2004.

היציקע מאַניפֿעסטאַציעס אין מצרים

מצרים. אין יאַנואַר האָבן די מיצריס מאַניפֿעסטירט אויפֿן טאַריר-סקװער, קײַראָ און זײ האָבן אַראָפּגעװאָרפֿן דעם דיקטאַטאָר, כאָסני מובאַראַק. נעכטן זײַנען מענטשו נאָך אַ מאָל געגאַנגען צום סקװער כּדי צו דעמאַנסטרירן, איצט קעגן דעם איצטיקן פּרעזידענט, מוהאַמאַד מורסי. 

נײַער ראַסיסט-סקאַנדאַל אין פּרעמיער ליג

ענגלאַנד. אַן אָנהענגער פֿון סאַנדערלענד האָט געמאַכט מאַלפּע-תּנועות קעגן דעם װעסט בראָמװיטזש-שפּילער, ראָמעלו לוקאַקו. די זעלביקע זאַך איז געשען מיט אַ חודש צוריק אין אַ מאַטש צװישן טשעלסי און מענשעסטער יונײַטעד.